Me tilbyr 30% rabatt på alle påmeldingar frå no og ut påsken. Bruk rabatt-koden ME24 ved påmelding.
Me håpar å sjå flest mogleg på startstreken 29.juni. Klarar me å slå ein av deltakar-rekordane våre?
Datoen er klar!
Mensen Ernst Minneløp blir laurdag 29.juni!
Påmeldinga opnar måndag 18mars!
Bestilling av medaljar
Me må sende inn endeleg ønskje angåande antal medaljar i slutten av mars. I all hovudsak planlegg me antal medaljar basera på foreløpig påmeldte, samt påmeldte tidlegare år. Dette er fordi me ikkje ønskjer å brenne inne med for mange medaljar, då medaljane er unike for kvart år, og kan ikkje brukast på nytt. Foreløpig satsar me på mellom 100-150 medaljar. Jo fleire påmeldte, jo fleire medaljar bestiller me inn. Har du tenkt å delta, så sett me stor pris på om du melder deg på og gir oss best mogleg føresetnadar for å bestille inn korrekt antal.
KØYR!
27 påmeldte
Me har no passert 27 påmeldingar. 24 individuelle og 3 stafett-lag. Det vil seie at me allereie har 36 som er klare for Mensen Ernst minneløp 24.juni.
25% RABATT PÅ ALL PÅMELDING!
Me feira opning av påmeldinga i 2023, og ønskjer ein boost på deltakarantallet frå starten av! Derfor gir me no 25% rabatt på all påmelding fram til søndag 26.februar ved påmelding gjennom www.eqtiming.no
Bruk rabattkoden: vinter25
Tykkjer du det er vel komplisert med påmelding gjennom eqtiming? Du kan også melde deg på via www.deltager.no for ein endå enklare og mindre komplisert påmelding (ikkje rabatt). Bli med laurdag 24.juni du også!
Påmeldinga er opna!
Nytt år, nye moglegheiter. I år vil me slette alle rekordar, og satsar på deltakarrekord! Påmeldinga er opna, og det er ingen ting å vente på!
Årets arrangement utanfor bane, 2022!
Under helgas friidrettsgalla i Lillestrøm stakk Mensen Ernst minneløp av med prisen for Årets arrangement utanfor bane, 2022! Me er utruleg stolte over prisen, og dette gir oss stor motivasjon og inspirasjon fram mot 2023! HURRA!
Me er klare!
I morgon brakar det laus! Bli med på ein dag fyllt med morro! Møt opp på Modig stadion, og få med deg barneløpet kl 12.30 og hovudløpet 13.00!
Stafett!
No er det ope påmelding for stafettlag! 4 på kvart lag, ein runde kvar. Stafettlaga startar ilag med hovudfeltet kl 13.00! Bli med!
Påmelding i link: https://signup.eqtiming.com/paamelding/mensen-ernst-minneloep-2022/g295.31145?event=mensen_ernst_minnelop_2019
100 plassar igjen!
2mars passerte me 50 påmeldte, og me har no under 100 ledige plassar.
——————-
"Kva tid sprang du på?" - er eit ofte stilt spørsmål, men også eit spørsmål som er irrelevant og sjeldan konstruktivt. Me er alle forskjellige, med ulike utgangspunkt og ulike mål. Under Mensen Ernst Minneløp blir du ikkje heidra basera på slutt-tid eller resultat. Her blir du heidra om du klarar å fullføre, på lik linje med alle andre som fullfører, uavhengig du går eller spring, joggar eller sprintar. IL Modig trur på å sprenge eigne grenser, enten om det er ei spesifikk slutt-tid eller om det er å ha på seg eit startnummer når startskotet går.
Vår jobb er å legge til rette for at absolutt alle kan delta, erfarne og uerfarne. Og evnar du å krysse mållinja, så er du ikkje berre ein verdig vinnar av årets unike medalje, du er også nettopp det; ein vinnar!
Me ønskjer å sjå nettopp deg under Mensen Ernst minneløp laurdag 25juni!
Påmelding via www.mensenernst.org - maks 150 plassar, 97 ledige plassar pr 2/3. Bli med!